[III: Uruvelapāṭihāriyāni]

[36: Uruvelakassapayogupasampadā]

Atha kho Bhagavato etad-ahosi: “Ciraṁ pi kho imassa moghapurisassa evaṁ bhavissati: ‘Mahiddhiko kho Mahāsamaṇo mahānubhāvo, na tveva ca kho Arahā yathā ahan.’-ti

Yan-nūnāhaṁ imaṁ jaṭilaṁ saṁvejeyyan?” ti Atha kho Bhagavā Uruvelakassapaṁ jaṭilaṁ etad-avoca: “Neva ChS adds: ca. kho tvaṁ Kassapa Arahā. Na pi Thai, ChS: nāpi. Arahattamaggaṁ vā samāpanno. ChS: arahattamaggasamāpanno, compound form of the words. Sāpi te paṭipadā natthi yāya tvaṁ Arahā vā assasi, PTS: assa. Arahattamaggaṁ vā samāpanno.” ti

Atha kho Uruvelakassapo jaṭilo Bhagavato pādesu sirasā nipatitvā, Bhagavantaṁ etad-avoca: “Labheyyāmahaṁ BJT, PTS, ChS: labheyyāhaṁ = labheyyaṁ ahaṁ, with ellipsis of the niggahīta, and sandhi of the vowels; I prefer to take the reading as = labheyyāmi ahaṁ, with ellipsis of the end vowel, which is more regular. Bhante Bhagavato santike pabbajjaṁ labheyyāmi PTS, ChS: labheyyaṁ, alternate form of the optative. upasampadan.”-ti

“Tvaṁ khosi Kassapa pañcannaṁ jaṭilasatānaṁ, nāyako vināyako aggo pamukho pāmokkho. Te pi tāva apalokehi yathā te maññissanti tathā ChS adds: te. karissantī.” ti

Atha kho Uruvelakassapo jaṭilo yena te jaṭilā tenupasaṅkami, upasaṅkamitvā te jaṭile etad-avoca: “Icchāmahaṁ bho Mahāsamaṇe brahmacariyaṁ carituṁ, yathā bhavanto maññanti tathā karontū.” ti

“Cirapaṭikā mayaṁ bho Mahāsamaṇe abhippasannā, sace bhavaṁ Mahāsamaṇe brahmacariyaṁ carissati, sabbe va mayaṁ Mahāsamaṇe brahmacariyaṁ carissāmā.” ti

Atha kho te jaṭilā, kesamissaṁ jaṭāmissaṁ, khārikājamissaṁ aggihuttamissaṁ ChS: -huta-; and similarly throughout, alternate spelling. udake pavāhetvā, yena Bhagavā tenupasaṅkamiṁsu, upasaṅkamitvā Bhagavato pādesu sirasā nipatitvā, Bhagavantaṁ etad-avocuṁ: “Labheyyāma mayaṁ Bhante Bhagavato santike pabbajjaṁ, labheyyāma upasampadan.”-ti

“Etha bhikkhavo” ti Bhagavā avoca “svākkhāto Dhammo, caratha brahmacariyaṁ sammā dukkhassa antakiriyāyā.” ti Sā va tesaṁ āyasmantānaṁ upasampadā ahosi.

last updated: August 2009