(Nissaggiyapācittiyā - 11-20)
[BJT Vol I, Page 554]
yo pana bhikkhu kosiyamissakaṁ santhataṁ kārāpeyya, nissaggiyaṁ Editor’s note: BJT,
[BJT Vol I, Page 556]
NP 12: Suddhakāḷakasikkhāpadaṁ
yo pana bhikkhu suddhakāḷakānaṁ eḷakalomānaṁ santhataṁ kārāpeyya, nissaggiyaṁ pācittiyaṁ.
[BJT Vol I, Page 560]
navaṁ pana bhikkhunā santhataṁ kārayamānena dve bhāgā suddhakāḷakānaṁ eḷakalomānaṁ ādātabbā, tatiyaṁ odātānaṁ catutthaṁ gocariyānaṁ. anādā ce bhikkhu dve bhāge suddhakāḷakānaṁ eḷakalomānaṁ tatiyaṁ odātānaṁ catutthaṁ gocariyānaṁ navaṁ santhataṁ kārāpeyya, nissaggiyaṁ pācittiyaṁ.
[BJT Vol I, Page 564]
navaṁ pana bhikkhunā santhataṁ kārāpetvā chabbassāni dhāretabbaṁ. orena ce channaṁ vassānaṁ taṁ santhataṁ vissajjetvā vā avissajjetvā vā aññaṁ navaṁ santhataṁ kārāpeyya, aññatra bhikkhusammutiyā, nissaggiyaṁ pācittiyaṁ.
[BJT Vol I, Page 570]
NP 15: Nisīdanasanthatasikkhāpadaṁ
nisīdanasanthataṁ pana bhikkhunā kārayamānena purāṇasanthatassa sāmantā sugatavidatthī ādātabbā dubbaṇṇakaraṇāya, anādā ce bhikkhu purāṇasanthatassa sāmantā sugatavidatthiṁ navaṁ nisīdanasanthataṁ kārāpeyya, nissaggiyaṁ pācittiyaṁ.
[BJT Vol I, Page 572]
bhikkhuno paneva addhānamaggappaṭipannassa eḷakalomāni uppajjeyyuṁ. ākaṅkhamānena bhikkhunā paṭiggahetabbāni. paṭiggahetvā tiyojanaparamaṁ sahatthā haritabbāni, asante hārake. tato ce uttariṁ hareyya asante pi hārake, nissaggiyaṁ pācittiyaṁ.
[BJT Vol I, Page 576]
NP 17: Eḷakalomadhovāpanasikkhāpadaṁ
yo pana bhikkhu aññātikāya bhikkhuniyā eḷakalomāni dhovāpeyya vā rajāpeyya vā vijaṭāpeyya vā, nissaggiyaṁ pācittiyaṁ.
[BJT Vol I, Page 580]
yo pana bhikkhu jātarūparajataṁ uggaṇheyya vā uggaṇhāpeyya vā upanikkhittaṁ vā sādiyeyya, nissaggiyaṁ pācittiyaṁ.
[BJT Vol I, Page 584]
NP 19: Rūpiyasaṁvohārasikkhāpadaṁ
yo pana bhikkhu nānappakārakaṁ rūpiyasaṁvohāraṁ samāpajjeyya, nissaggiyaṁ pācittiyaṁ.
[BJT Vol I, Page 590]
yo pana bhikkhu nānappakārakaṁ kayavikkayaṁ samāpajjeyya, nissaggiyaṁ pācittiyaṁ.
Kosiyavaggo dutiyo