(Suddhapācittiyā - 21-30)

[BJT Vol II (I), Page 148]

Pāc 21: Ovādasikkhāpadaṁ

yo pana bhikkhu asammato bhikkhuniyo ovadeyya, pācittiyaṁ.

[BJT Vol II (I), Page 160]

Pāc 22: Atthaṅgatasikkhāpadaṁ

sammato pi ce bhikkhu atthaṅgate suriye bhikkhuniyo ovadeyya, pācittiyaṁ.

[BJT Vol II (I), Page 164]

Pāc 23: Bhikkhunūpassayasikkhāpadaṁ

yo pana bhikkhu bhikkhunūpassayaṁ upsaṅkamitvā bhikkhuniyo ovadeyya, aññatra samayā, pācittiyaṁ.

tatthāyaṁ samayo: gilānā hoti bhikkhunī - ayaṁ tattha samayo.

[BJT Vol II (I), Page 168]

Pāc 24: Āmisasikkhāpadaṁ

yo pana bhikkhu evaṁ vadeyya: “āmisahetu bhikkhū bhikkhuniyo ovadantī” ti, pācittiyaṁ.

[BJT Vol II (I), Page 174]

Pāc 25: Cīvaradānasikkhāpadaṁ

yo pana bhikkhu aññātikāya bhikkhuniyā cīvaraṁ dadeyya, aññatra pārivaṭṭakā, pācittiyaṁ.

[BJT Vol II (I), Page 178]

Pāc 26: Cīvarasibbanasikkhāpadaṁ

yo pana bhikkhu aññātikāya bhikkhuniyā cīvaraṁ sibbeyya vā sibbāpeyya vā, pācittiyaṁ.

[BJT Vol II (I), Page 182]

Pāc 27: Saṁvidhānasikkhāpadaṁ

yo pana bhikkhu Editor’s note: BJT, bhikkhū - printer’s error. bhikkhuniyā saddhiṁ saṁvidhāya ekaddhānamaggaṁ paṭipajjeyya antamaso gāmantaram-pi, aññatra samayā, pācittiyaṁ.

tatthāyaṁ samayo: satthagamanīyo hoti maggo sāsaṅkasammato sappaṭibhayo - ayaṁ tattha samayo.

[BJT Vol II (I), Page 186]

Pāc 28: Nāvābhirūhatasikkhāpadaṁ

yo pana bhikkhu bhikkhuniyā saddhiṁ saṁvidhāya ekaṁ nāvaṁ abhirūheyya uddhagāminiṁBJT note: uddhaṁ gāmaniṁ - ChS. vā adhogāminiṁ vā, aññatra tiriyaṁ taraṇāya, pācittiyaṁ.

[BJT Vol II (I), Page 192]

Pāc 29: Paripācitasikkhāpadaṁ

yo pana bhikkhu jānaṁ bhikkhunīparipācitaṁ piṇḍapātaṁ bhuñjeyya, aññatra pubbe gihīsamārambhā, pācittiyaṁ.

[BJT Vol II (I), Page 196]

Pāc 30: Rahonisajjasikkhāpadaṁ

yo pana bhikkhu bhikkhuniyā saddhiṁ eko ekāya raho nisajjaṁ kappeyya, pācittiyaṁ.

Bhikkhunovādavaggo tatiyo

last updated: March 2006