(Suddhapācittiyā - 51-60)

[BJT Vol II (I), Page 300]

Pāc 51: Surāpānasikkhāpadaṁ

surāmerayapāne, pācittiyaṁ.

[BJT Vol II (I), Page 302]

Pāc 52: Aṅgulipatodakasikkhāpadaṁ

aṅgulipatodake, pācittiyaṁ.

[BJT Vol II (I), Page 304]

Pāc 53: Hassadhammasikkhāpadaṁ

udake hassadhamme, pācittiyaṁ.

[BJT Vol II (I), Page 306]

Pāc 54: Anādariyasikkhapadaṁ

anādariye, pācittiyaṁ.

[BJT Vol II (I), Page 310]

Pāc 55: Bhiṁsāpanakasikkhāpadaṁ

yo pana bhikkhu bhikkhuṁ bhiṁsāpeyya, pācittiyaṁ.

[BJT Vol II (I), Page 314]

Pāc 56: Jotisikkhapadaṁ

yo pana bhikkhu agilāno visibbanāpekkho jotiṁ samādaheyya vā samādahāpeyya vā, aññatra tathārūpappaccayā, pācittiyaṁ.

[BJT Vol II (I), Page 322]

Pāc 57: Nahānasikkhāpadaṁ

yo pana bhikkhu orenaddhamāsaṁ nahāyeyya, aññatra samayā, pācittiyaṁ.

tatthāyaṁ samayo: diyaḍḍho māso seso gimhānan-ti, vassānassa paṭhamo māso, iccete aḍḍhateyyamāsā, uṇhasamayo, pariḷāhasamayo, gilānasamayo, kammasamayo, addhānagamanasamayo, vātavuṭṭhisamayo - ayaṁ tattha samayo.

[BJT Vol II (I), Page 324]

Pāc 58: Dubbaṇṇakarasikkhāpadaṁ

navaṁ pana bhikkhunā cīvaralābhena tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ ādātabbaṁ, nīlaṁ vā kaddamaṁ vā kāḷasāmaṁ vā. anādā ce bhikkhu tiṇṇaṁ dubbaṇṇakaraṇānaṁ aññataraṁ dubbaṇṇakaraṇaṁ navaṁ cīvaraṁ paribhuñjeyya, pācittiyaṁ.

[BJT Vol II (I), Page 328]

Pāc 59: Vikappanasikkhāpadaṁ

yo pana bhikkhu bhikkhussa vā bhikkhuniyā vā sikkhamānāya vā sāmaṇerassa vā sāmaṇeriyā vā sāmaṁ cīvaraṁ vikappetvā apaccuddhārakaṁ paribhuñjeyya, pācittiyaṁ.

[BJT Vol II (I), Page 332]

Pāc 60: Cīvarāpanidhānasikkhāpadaṁ

yo pana bhikkhu Editor’s note: BJT, bhikkhū - printer’s error. bhikkhussa pattaṁ vā cīvaraṁ vā nisīdanaṁ vā sūcigharaṁ vā kāyabandhanaṁ vā apanidheyya vā apanidhāpeyya vā antamaso hassāpekkho pi, pācittiyaṁ.

Surāpānavaggo chaṭṭho

last updated: March 2006