(Sekhiyā)

ime kho panāyasmanto sekhiyā dhammā uddesaṁ āgacchanti.

[BJT Vol II (I), Page 488]

Sekh 1: (Parimaṇḍalasikkhāpadaṁ)Editor’s note: BJT has no distinctive titles for the Sekhiya training rules, they are listed there as paṭhama-, dutiya-, etc. up to dasama-, after which they start again with paṭhama-. As the titles serve a useful function as mnemonics they have been inserted here following the ChS editon of the Bhikkhupātimokkhapāḷi. At the beginning of this section as the rules generally come in pairs no title for the second rule is given.

parimaṇḍalaṁ nivāsessāmī ti, sikkhā karaṇīyā.

[BJT Vol II (I), Page 490]

Sekh 2:

parimaṇḍalaṁ pārupissāmī ti, sikkhā karaṇīyā.

Sekh 3: (Suppaṭichannasikkhāpadaṁ)

supaṭicchanno antaraghare gamissāmī ti, sikkhā karaṇīyā.

Sekh 4:

supaṭicchanno antaraghare nisīdissāmī ti, sikkhā karaṇīyā.

[BJT Vol II (I), Page 492]

Sekh 5: (Susaṁvutasikkhāpadaṁ)

susaṁvuto antaraghare gamissāmī ti, sikkhā karaṇīyā.

Sekh 6:

susaṁvuto antaraghare nisīdissāmī ti, sikkhā karaṇīyā.

Sekh 7: (Okkhittacakkhusikkhāpadaṁ)

okkhittacakkhu antaraghare gamissāmī ti, sikkhā karaṇīyā.

[BJT Vol II (I), Page 494]

Sekh 8:

okkhittacakkhu antaraghare nisīdissāmī ti, sikkhā karaṇīyā.

Sekh 9: (Ukkhittakasikkhāpadaṁ)

na ukkhittakāya antaraghare gamissāmī ti, sikkhā karaṇīyā.

Sekh 10:

na ukkhittakāya antaraghare nisīdissāmī ti, sikkhā karaṇīyā.

Parimaṇḍalavaggo paṭhamo

[BJT Vol II (I), Page 496]

Sekh 11: (Ujjhagghikasikkhāpadaṁ)

na ujjagghikāya antaraghare gamissāmī ti, sikkhā karaṇīyā.

Sekh 12:

na ujjagghikāya antaraghare nisīdissāmī ti, sikkhā karaṇīyā.

Sekh 13: (Uccasaddāsikkhāpadaṁ)

appasaddo antaraghare gamissāmī ti, sikkhā karaṇīyā.

[BJT Vol II (I), Page 498]

Sekh 14:

appasaddo antaraghare nisīdissāmī ti, sikkhā karaṇīyā.

Sekh 15: (Kāyappacālakādisikkhāpadaṁ)

na kāyappacālakaṁ antaraghare gamissāmī ti, sikkhā karaṇīyā.

Sekh 16:

na kāyappacālakaṁ antaraghare nisīdissāmī ti, sikkhā karaṇīyā.

[BJT Vol II (I), Page 500]

Sekh 17: (Bāhuppacālakasikkhāpadaṁ)

na bāhuppacālakaṁ antaraghare gamissāmī ti, sikkhā karaṇīyā.

Sekh 18:

na bāhuppacālakaṁ antaraghare nisīdissāmī ti, sikkhā karaṇīyā.

Sekh 19: (Sīsappacālakasikkhāpadaṁ)

na sīsappacālakaṁ antaraghare gamissāmī ti, sikkhā karaṇīyā.

[BJT Vol II (I), Page 502]

Sekh 20:

na sīsappacālakaṁ antaraghare nisīdissāmī ti, sikkhā karaṇīyā.

Ujjagghikavaggo dutiyo

[BJT Vol II (I), Page 504]

Sekh 21: (Khambhakatasikkhāpadaṁ)

na khambhakato antaraghare gamissāmī ti, sikkhā karaṇīyā.

Sekh 22:

na khambhakato antaraghare nisīdissāmī ti, sikkhā karaṇīyā.

Sekh 23: (Oguṇṭhitasikkhāpadaṁ)

na oguṇṭhito antaraghare gamissāmī ti, sikkhā karaṇīyā.

[BJT Vol II (I), Page 506]

Sekh 24:

na oguṇṭhito antaraghare nisīdissāmī ti, sikkhā karaṇīyā.

Sekh 25: (Ukkuṭikasikkhāpadaṁ)

na ukkuṭikāya antaraghare gamissāmī ti, sikkhā karaṇīyā.

Sekh 26: (Pallatthikasikkhāpadaṁ)

na pallatthikāya antaraghare nisīdissāmī ti, sikkhā karaṇīyā.

[BJT Vol II (I), Page 508]

Sekh 27: (Sakkaccapaṭiggahaṇasikkhāpadaṁ)

sakkaccaṁ piṇḍapātaṁ paṭiggahessāmī ti, sikkhā karaṇīyā.

Sekh 28: (Pattasaññīpaṭiggahaṇasikkhāpadaṁ)

pattasaññī piṇḍapātaṁ paṭiggahessāmī ti, sikkhā karaṇīyā.

Sekh 29: (Samasūpakapaṭiggahaṇasikkhāpadaṁ)

samasūpakaṁ piṇḍapātaṁ paṭiggahessāmī ti, sikkhā karaṇīyā.

[BJT Vol II (I), Page 510]

Sekh 30: (Samatittikasikkhāpadaṁ)

samatittikaṁ piṇḍapātaṁ paṭiggahessāmī ti, sikkhā karaṇīyā.

Khambhakavaggo tatiyo

[BJT Vol II (I), Page 512]

Sekh 31: (Sakkaccabuñjanasikkhāpadaṁ)

sakkaccaṁ piṇḍapātaṁ bhuñjissāmī ti, sikkhā karaṇīyā.

Sekh 32: (Pattasaññībhuñjanasikkhāpadaṁ)

pattasaññī piṇḍapātaṁ bhuñjissāmī ti, sikkhā karaṇīyā.

Sekh 33: (Sapadānasikkhāpadaṁ)

sapadānaṁ piṇḍapātaṁ bhuñjissāmī ti, sikkhā karaṇīyā.

[BJT Vol II (I), Page 514]

Sekh 34: (Samasūpakasikkhāpadaṁ)

samasūpakaṁ piṇḍapātaṁ bhuñjissāmī ti, sikkhā karaṇīyā.

Sekh 35: (Nathūpakatasikkhāpadaṁ)

na thūpato BJT note: thūpakato - ChS. omadditvā piṇḍapātaṁ bhuñjissāmī ti, sikkhā karaṇīyā.

Sekh 36: (Odanappaṭicchādanasikkhāpadaṁ)

na sūpaṁ vā byañjanaṁ vā odanena paṭicchādessāmi bhīyokamyataṁ Editor’s note: BJT, bhīyyokamyataṁ, but it’s normal practice is to write these forms as bhīyo- etc. upādāyāti, sikkhā karaṇīyā.

[BJT Vol II (I), Page 516]

Sekh 37: (Sūpodanaviññattisikkhāpadaṁ)

na sūpaṁ vā odanaṁ vā agilāno attano atthāya viññāpetvā bhuñjissāmī ti, sikkhā karaṇīyā.

Sekh 38: (Ujjhānasaññīsikkhāpadaṁ)

na ujjhānasaññī paresaṁ pattaṁ olokessāmī ti, sikkhā karaṇīyā.

Sekh 39: (Kabaḷasikkhāpadaṁ)

nātimahantaṁ kabaḷaṁ karissāmī ti, sikkhā karaṇīyā.

[BJT Vol II (I), Page 520]

Sekh 40: (Ālopasikkhāpadaṁ)

parimaṇḍalaṁ ālopaṁ karissāmī ti, sikkhā karaṇīyā.

Sakkaccavaggo catuttho

[BJT Vol II (I), Page 522]

Sekh 41: (Anāhaṭasikkhāpadaṁ)

na anāhaṭe kabaḷe mukhadvāraṁ vivarissāmī ti, sikkhā karaṇīyā.

Sekh 42: (Bhuñjamānasikkhāpadaṁ)

na bhuñjamāno sabbaṁ hatthaṁ mukhe pakkhipissāmī ti, sikkhā karaṇīyā.

Sekh 43: (Sakabaḷasikkhāpadaṁ)

na sakabaḷena mukhena byāharissāmī ti, sikkhā karaṇīyā.

[BJT Vol II (I), Page 524]

Sekh 44: (Piṇḍukkhepakasikkhāpadaṁ)

na piṇḍukkhepakaṁ bhuñjissāmī ti, sikkhā karaṇīyā.

Sekh 45: (Kabaḷavacchedakasikkhāpadaṁ)

na kabaḷāvacchedakaṁ bhuñjissāmī ti, sikkhā karaṇīyā.

Sekh 46: (Avagaṇḍakārakasikkhāpadaṁ)

na avagaṇḍakārakaṁ bhuñjissāmī ti, sikkhā karaṇīyā.

[BJT Vol II (I), Page 526]

Sekh 47: (Hatthaniddhunakasikkhāpadaṁ)

na hatthaniddhunakaṁ bhuñjissāmī ti, Editor’s note: BJT, bhuñjissāmi-ti, printer’s error. sikkhā karaṇīyā.

Sekh 48: (Sitthāvakārakasikkhāpadaṁ)

na sitthāvakārakaṁ bhuñjissāmī ti, sikkhā karaṇīyā.

Sekh 49: (Jivhānicchārakasikkhāpadaṁ)

na jivhānicchārakaṁ bhuñjissāmī ti, sikkhā karaṇīyā.

[BJT Vol II (I), Page 528]

Sekh 50: (Capucapukārakasikkhāpadaṁ)

na capucapukārakaṁ bhuñjissāmī ti, sikkhā karaṇīyā.

Kabaḷavaggo pañcamo

[BJT Vol II (I), Page 530]

Sekh 51: (Surusurukārakasikkhāpadaṁ)

na surusurukārakaṁ bhuñjissāmī ti, sikkhā karaṇīyā.

Sekh 52: (Hatthanillehakādisikkhāpadaṁ)

na hatthanillehakaṁ bhuñjissāmī ti, sikkhā karaṇīyā.

[BJT Vol II (I), Page 532]

Sekh 53: (Pattanillehakasikkhāpadaṁ)

na pattanillehakaṁ bhuñjissāmī ti, Editor’s note: BJT, bhūñjissāmī-ti, printer’s error. sikkhā karaṇīyā.

Sekh 54: (Oṭṭhanillehakasikkhāpadaṁ)

na oṭṭhanillehakaṁ bhuñjissāmī ti, sikkhā karaṇīyā.

[BJT Vol II (I), Page 534]

Sekh 55: (Sāmisasikkhāpadaṁ)

na sāmisena hatthena pānīyathālakaṁ paṭiggahessāmī ti, sikkhā karaṇīyā.

[BJT Vol II (I), Page 536]

Sekh 56: (Sasitthakasikkhāpadaṁ)

na sasitthakaṁ pattadhovanaṁ antaraghare chaḍḍessāmī ti, sikkhā karaṇīyā.

[BJT Vol II (I), Page 538]

Sekh 57: (Chattapāṇisikkhāpadaṁ)

na chattapāṇissa agilānassa dhammaṁ desissāmī ti, Editor’s note: BJT, desessāmi-ti, here but desissāmī-ti elsewhere. sikkhā karaṇīyā.

Sekh 58: (Daṇḍapāṇisikkhāpadaṁ)

na daṇḍapāṇissa agilānassa dhammaṁ desissāmī ti, sikkhā karaṇīyā.

[BJT Vol II (I), Page 540]

Sekh 59: (Satthapāṇisikkhāpadaṁ)

na satthapāṇissa agilānassa dhammaṁ desissāmī ti, sikkhā karaṇīyā.

Sekh 60: (Āyudhapāṇisikkhāpadaṁ):Editor’s note: ChS actually reads avudha- ; changed to bring the reading into line with BJT.

na āyudhapāṇissa agilānassa dhammaṁ desissāmī ti, sikkhā karaṇīyā.

Surusuruvaggo chaṭṭho

[BJT Vol II (I), Page 542]

Sekh 61: (Pādukasikkhāpadaṁ)

na pādukārūḷhassa agilānassa dhammaṁ desissāmī ti, sikkhā karaṇīyā.

Sekh 62: (Upāhanasikkhāpadaṁ)

na upāhanārūḷhassa agilānassa dhammaṁ desissāmī ti, sikkhā karaṇīyā.

Sekh 63: (Yānasikkhāpadaṁ)

na yānagatassa agilānassa dhammaṁ desissāmī ti, sikkhā karaṇīyā.

[BJT Vol II (I), Page 544]

Sekh 64: (Sayanasikkhāpadaṁ)

na sayanagatassa agilānassa dhammaṁ desissāmī ti, sikkhā karaṇīyā.

Sekh 65: (Pallatthikasikkhāpadaṁ)

na pallatthikāya nisinnassa agilānassa dhammaṁ desissāmī ti, sikkhā karaṇīyā.

Sekh 66: (Veṭhitasikkhāpadaṁ)

na veṭhitasīsassa agilānassa dhammaṁ desissāmī ti, sikkhā karaṇīyā.

[BJT Vol II (I), Page 546]

Sekh 67: (Oguṇṭhitasikkhāpadaṁ)

na oguṇṭhitasīsassa agilānassa dhammaṁ desissāmī ti, sikkhā karaṇīyā.

Sekh 68: (Chamāsikkhāpadaṁ)

na chamāya nisīditvā āsane nisinnassa agilānassa dhammaṁ desissāmī ti, sikkhā karaṇīyā.

[BJT Vol II (I), Page 548]

Sekh 69: (Nīcāsanasikkhāpadaṁ)

na nīce āsane nisīditvā ucce āsane nisinnassa agilānassa dhammaṁ desissāmī ti, sikkhā karaṇīyā.

[BJT Vol II (I), Page 550]

Sekh 70: (Ṭhitasikkhāpadaṁ)

na ṭhito nisinnassa agilānassa dhammaṁ desissāmī ti, sikkhā karaṇīyā.

Sekh 71: (Pacchatogamanasikkhāpadaṁ)

na pacchato gacchanto purato gacchantassa agilānassa dhammaṁ desissāmī ti, sikkhā karaṇīyā.

Sekh 72: (Uppathenagamanasikkhāpadaṁ)

na uppathena gacchanto pathena gacchantassa agilānassa dhammaṁ desissāmī ti, sikkhā karaṇīyā.

[BJT Vol II (I), Page 552]

Sekh 73: (Ṭhito-uccārasikkhāpadaṁ)

na ṭhito agilāno uccāraṁ vā passāvaṁ vā karissāmī ti, sikkhā karaṇīyā.

Sekh 74: (Harite-uccārasikkhāpadaṁ)

na harite agilāno uccāraṁ vā passāvaṁ vā kheḷaṁ vā karissāmī ti, sikkhā karaṇīyā.

[BJT Vol II (I), Page 554]

Sekh 75: (Udake-uccārasikkhāpadaṁ)

na udake agilāno uccāraṁ vā passāvaṁ vā kheḷaṁ vā karissāmī ti, sikkhā karaṇīyā.

Pādukavaggo sattamo

[BJT Vol II (I), Page 556]

uddiṭṭhā kho āyasmanto sekhiyā dhammā.

tatthāyasmante pucchāmi: kaccittha parisuddhā?
dutiyam-pi pucchāmi: kaccittha parisuddhā?
tatiyam-pi pucchāmi: kaccittha parisuddhā?
parisuddhetthāyasmanto, tasmā tuṇhī, evam-etaṁ dhārayāmi.

(Sekhiyā niṭṭhitā)

last updated: March 2006