Pathamakabhanavaram-01-05 - Opening Section

Catubhāṇavārapāḷi Home Page Next Section

Paṭhamakabhāṇavāraṁ

namo tassa bhagavato arahato sammāsambuddhassa
namo tassa bhagavato arahato sammāsambuddhassa
namo tassa bhagavato arahato sammāsambuddhassa

1: Saraṇagamanaṁ PPV2: Saraṇāgamanaṁ.⁰¹

buddhaṁ saraṇaṁ gacchāmi
dhammaṁ saraṇaṁ gacchāmi
saṅghaṁ saraṇaṁ gacchāmi

dutiyam-pi buddhaṁ saraṇaṁ gacchāmi
dutiyam-pi dhammaṁ saraṇaṁ gacchāmi
dutiyam-pi saṅghaṁ saraṇaṁ gacchāmi

tatiyam-pi buddhaṁ saraṇaṁ gacchāmi
tatiyam-pi dhammaṁ saraṇaṁ gacchāmi
tatiyam-pi saṅghaṁ saraṇaṁ gacchāmi

2: Dasasikkhāpadāni

1. pāṇātipātā veramaṇīsikkhāpadaṁ
2. adinnādānā veramaṇīsikkhāpadaṁ
3. abrahmacariyā veramaṇīsikkhāpadaṁ
4. musāvādā veramaṇīsikkhāpadaṁ
5. surāmerayamajjapamādaṭṭhānā veramaṇīsikkhāpadaṁ
6. vikālabhojanā veramaṇīsikkhāpadaṁ
7. naccagītavāditavisūkadassanā veramaṇīsikkhāpadaṁ
8. mālāgandhavilepanadhāraṇamaṇḍanavibhūsanaṭṭhānā veramaṇīsikkhāpadaṁ
9. uccāsayanamahāsayanā veramaṇīsikkhāpadaṁ
10. jātarūparajatapaṭiggahaṇā veramaṇīsikkhāpadaṁ

3: Sāmaṇerapañhaṁ MPP, PPV, PPV2: Sāmaṇerapañho.²

eka nāma kiṁ? — sabbe sattā āhāraṭṭhitikā.
dve nāma kiṁ? — nāmañ-ca rūpañ-ca.
tīṇi nāma kiṁ? — tisso vedanā.
cattāri nāma kiṁ? — cattāri ariyasaccāni.
pañca nāma kiṁ? — pañcupādānakkhandhā. PPV2: pañcūpādānakkhandhā.⁰³
cha nāma kiṁ? — cha ajjhattikāni āyatanāni.
satta nāma kiṁ? — satta bojjhaṅgā.
aṭṭha nāma kiṁ? — ariyo aṭṭhangiko maggo.
nava nāma kiṁ? — nava sattāvāsā.
dasa nāma kiṁ? — dasahaṅgehi samannāgato arahā ti vuccatī ti.

4: Dvattiṁsākāraṁ MPP, PPV, PPV2: Dvattiṁsākāro.⁴

atthi imasmiṁ kāye:
kesā, lomā, nakhā, dantā, taco,
maṁsaṁ, nahāru, aṭṭhi, aṭṭhimiñjā, PPV, PPV2: aṭṭhimiñjaṁ.⁰⁵ vakkaṁ,
hadayaṁ, yakanaṁ, kilomakaṁ, pihakaṁ, papphāsaṁ,
antaṁ, antaguṇaṁ, udariyaṁ, karīsaṁ,
pittaṁ, semhaṁ, pubbo, lohitaṁ, sedo, medo,
assu, vasā, kheḷo, siṅghānikā, lasikā, muttaṁ,
matthake matthaluṅgan-ti. PPV: matthake matthalungantī ti.⁰⁶

5: Paccavekkhaṇā

1. paṭisaṅkhā yoniso cīvaraṁ paṭisevāmi, yāvad-eva sītassa paṭighātāya, uṇhassa paṭighātāya, ḍaṁsamakasavātātapasiriṁsapasamphassānaṁ paṭighātāya, yāvad-eva hirikopīnapaticchādanatthaṁ.

2. paṭisaṅkhā yoniso piṇḍapātaṁ paṭisevāmi, neva davāya, na madāya, na maṇḍanāya, na vibhūsanāya, MPP: vibhusanāya.⁰⁷ yāvad-eva imassa kāyassa ṭhitiyā yāpanāya, vihiṁsūparatiyā brahmacariyānuggahāya, iti purāṇañ-ca vedanaṁ paṭihaṅkhāmi, navañ-ca vedanaṁ na uppādessāmi, yātrā ca me bhavissati, anavajjatā ca phāsuvihāro cā ti.

3. paṭisaṅkhā yoniso senāsanaṁ paṭisevāmi, yāvad-eva sītassa paṭighātāya, uṇhassa paṭighātāya, ḍaṁsamakasavātātapasiriṁsapasamphassānaṁ paṭighātāya, yāvad-eva utuparissayavinodanaṁ paṭisallānārāmatthaṁ.

4. paṭisaṅkhā yoniso gilānapaccayabhesajjaparikkhāraṁ paṭisevāmi, yāvad-eva uppannānaṁ veyyābādhikānaṁ vedanānaṁ paṭighātāya abyāpajjhaparamatāyā ti.

Catubhāṇavārapāḷi Home Page Next Section

last updated: March 2006