16: Dhajaggaparittaṁ



right click to download mp3

 

yassānussaraṇenāpi ~ antalikkhe pi pāṇino
patiṭṭham-adhigacchanti, ~ bhūmiyaṁ CBhp: bhūmiyā.01 viya sabbathā.

sabbūpaddavajālamhā ~ yakkhacorārisambhavā,
gaṇanā na ca muttānaṁ, ~ parittaṁ taṁ bhaṇāmahe.

evaṁ me sutaṁ:
ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. tatra kho bhagavā bhikkhū āmantesi: “bhikkhavo!” ti, “bhadante!” ti te bhikkhū bhagavato paccassosuṁ, bhagavā etad-avoca: “bhūtapubbaṁ bhikkhave devāsurasaṅgāmo samūpabbūḷho ahosi. atha kho bhikkhave sakko devānamindo deve tāvatiṁse āmantesi: “sace mārisā devānaṁ saṅgāmagatānaṁ uppajjeyya bhayaṁ vā chambhitattaṁ vā lomahaṁso vā, mameva tasmiṁ samaye dhajaggaṁ ullokeyyātha. mamaṁ hi vo dhajaggaṁ ullokayataṁ yaṁ bhavissati bhayaṁ vā chambhitattaṁ vā, lomahaṁso vā so pahīyissati.

no ce me dhajaggaṁ ullokeyyātha, atha pajāpatissa devarājassa dhajaggaṁ ullokeyyātha. pajāpatissa hi vo devarājassa dhajaggaṁ ullokayataṁ yaṁ bhavissati bhayaṁ vā chambhitattaṁ vā, lomahaṁso vā so pahīyissati.

no ce pajāpatissa devarājassa dhajaggaṁ ullokeyyātha, atha varuṇassa devarājassa dhajaggaṁ ullokeyyātha. varuṇassa hi vo devarājassa dhajaggaṁ ullokayataṁ yaṁ bhavissati bhayaṁ vā chambhitattaṁ vā, lomahaṁso vā, so pahīyissati.

no ce varuṇassa devarājassa dhajaggaṁ ullokeyyātha, atha īsānassa devarājassa dhajaggaṁ ullokeyyātha. īsānassa hi vo devarājassa dhajaggaṁ ullokayataṁ yaṁ bhavissati bhayaṁ vā chambhitattaṁ vā, lomahaṁso vā so pahīyissati.

taṁ kho pana bhikkhave sakkassa vā devānamindassa dhajaggaṁ ullokayataṁ, pajāpatissa vā devarājassa dhajaggaṁ ullokayataṁ, PPV2: this line is missing in this edition, by mistake.02 varuṇassa vā devarājassa dhajaggaṁ ullokayataṁ, īsānassa vā devarājassa dhajaggaṁ ullokayataṁ, yaṁ bhavissati bhayaṁ vā chambhitattaṁ vā lomahaṁso vā, so pahīyethāpi no pi pahīyetha. taṁ kissa hetu?

sakko bhikkhave devānamindo avītarāgo avītadoso avītamoho, bhīrucchambhi utrāsi palāyi. MPP: bhīrucchambhī utrāsi palāyī ti; PPV, PPV2: palāyī ti.03 ahañ-ca kho bhikkhave evaṁ vadāmi: sace tumhākaṁ bhikkhave araññagatānaṁ vā, rukkhamūlagatānaṁ vā, suññāgāragatānaṁ vā, uppajjeyya bhayaṁ vā chambhitattaṁ vā lomahaṁso vā, mameva tasmiṁ samaye anussareyyātha:

“iti pi so bhagavā arahaṁ sammāsambuddho,
vijjācaraṇasampanno sugato lokavidū, PPV2: lokavidu.04
anuttaro purisadammasārathī,
satthā devamanussānaṁ buddho bhagavā” ti.

mamaṁ hi vo bhikkhave anussarataṁ yaṁ bhavissati bhayaṁ vā chambhitattaṁ vā lomahaṁso vā so pahīyissati. no ce maṁ anussareyyātha, atha dhammaṁ anussareyyātha:

“svākkhāto bhagavatā dhammo,
sandiṭṭhiko, akāliko, ehipassiko, opanayiko,
paccattaṁ veditabbo viññūhī” ti.

dhammaṁ hi vo bhikkhave anussarataṁ yaṁ bhavissati bhayaṁ vā chambhitattaṁ vā lomahaṁso vā so pahīyissati. no ce dhammaṁ anussareyyātha, atha saṅghaṁ anussareyyātha:

“supaṭipanno bhagavato sāvakasaṅgho,
ujupaṭipanno bhagavato sāvakasaṅgho,
ñāyapaṭipanno bhagavato sāvakasaṅgho,
sāmīcipaṭipanno bhagavato sāvakasaṅgho,
yad-idaṁ cattāri purisayugāni aṭṭha purisapuggalā,
esa bhagavato sāvakasaṅgho,
āhuneyyo, pāhuneyyo, dakkhiṇeyyo, añjalikaranīyo,
anuttaraṁ puññakkhettaṁ lokassā” ti.

saṅghaṁ hi vo bhikkhave anussarataṁ yaṁ bhavissati bhayaṁ vā chambhitattaṁ vā lomahaṁso vā so pahīyissati. taṁ kissa hetu?

tathāgato bhikkhave arahaṁ sammāsambuddho, vītarāgo, vītadoso, vītamoho, abhīru acchambhi MPP: acchambhī.05 anutrāsi apalāyī” ti.

idam-avoca bhagavā,
idaṁ vatvā sugato athāparaṁ etad-avoca satthā:

⏑−−−¦⏑−−−¦¦−−−−¦⏑−⏑− pathyā
“araññe rukkhamūle vā, ~ suññāgāre va bhikkhavo, Metre: all lines in this sutta are in the pathyā form of the Siloka metre.06

⏑−⏑−¦⏑−−−¦¦⏑−−−¦⏑−⏑−
anussaretha sambuddhaṁ, ~ bhayaṁ tumhāka' no siyā. [1]

 

−−−−¦⏑−−−¦¦−⏑−−¦⏑−⏑−
no ce buddhaṁ sareyyātha, ~ lokajeṭṭhaṁ narāsabhaṁ,

⏑⏑−−¦⏑−−−¦¦−−⏑−¦⏑−⏑−
atha dhammaṁ sareyyātha, ~ niyyānikaṁ sudesitaṁ. [2]

 

−−−−¦⏑−−−¦¦−−⏑−¦⏑−⏑−
no ce dhammaṁ sareyyātha, ~ niyyānikaṁ sudesitaṁ,

⏑⏑−−¦⏑−−−¦¦−−−−¦⏑−⏑−
atha saṅghaṁ sareyyātha, ~ puññakkhettaṁ anuttaraṁ. [3]

 

−−−−¦⏑−−−¦¦−−−−¦⏑−⏑−
evaṁ buddhaṁ sarantānaṁ, ~ dhammaṁ saṅghañ-ca bhikkhavo,

⏑−−−¦⏑−−−¦¦−⏑−−¦⏑−⏑−
bhayaṁ vā chambhitattaṁ vā, ~ lomahaṁso na hessatī” ti. MPP: hessati, omit ti.07 [4]

Paṭhamakabhāṇavāraṁ niṭṭhitaṁ MPP, CBhp, PPV2: Paṭhamakabhāṇavāraṁ (omit niṭṭhitaṁ).08