13: Satkāravarga
phalaṁ vai kadaliṁ hanti phalaṁ veṇuṁ phalaṁ naḍam |
satkāraḥ kāpuruṣaṁ hanti svagarbho 'śvatarīṁ yathā || 13.1 [268]
yāvad eva hy anarthāya jñāto bhavati bāliśaḥ |
hanti bālasya śuklāṁśaṁ mūrdhānaṁ cāsya pātayet || 13.2 [269]
asanto lābham icchanti satkāraṁ caiva bhikṣuṣu |
āvāseṣu ca mātsaryaṁ pūjāṁ parakuleṣu ca || 13.3 [270]
mām eva nityaṁ jānīyur ghī pravrajitas tathā |
mama prativaśāś ca syuḥ ktyāktyeṣu keṣu cit || 13.4 [271]
iti bālasya saṁkalpā icchāmānābhivardhakāḥ |
anyā hi lābhopaniṣad anyā nirvāṇagāminī || 13.5 [272]
etaj jñātvā yathābhūtaṁ buddhānāṁ śrāvakaḥ sadā |
satkāraṁ nābhinandeta vivekaṁ anubṁhayet || 13.6 [273]
na vyāyamente sarvatra nānyeṣāṁ puruṣo bhavet |
nānyāṁ niḥśritya jīveta dharmeṇa na vaṇik caret || 13.7 [274]
svalābhaṁ nāvamanyeta nānyeṣāṁ sphako bhavet |
anyeṣāṁ sphako bhikṣuḥ samādhiṁ nādhigacchati || 13.8 [275]
sukhaṁ jīvitum icchec cec chramaṇyārtheṣv avekṣavān |
ahir mūṣakadurgaṁ vā seveta śayanāsanam || 13.9 [276]
sukhaṁ jīvitum icchec cec chramaṇyārtheṣv avekṣavān |
itaretareṇa saṁtuṣyed ekadharmaṁ ca bhāvayet || 13.10 [277]
sukhaṁ jīvitum icchec cec chramaṇyārtheṣv avekṣavān |
sāṁghikaṁ nāvamanyeta cīvaraṁ pānabhojanam || 13.11 [278]
alpajñāto 'pi ced bhavati śīleṣu susamāhitaḥ |
vidvāṁsas taṁ praśaṁsanti śuddhājīvam atandritam || 13.12 [279]
traividyaḥ syāt sa ced bhikṣur mtyuhantā nirāsravaḥ |
alpajñātam iti jñātvā hy avajānanty ajānakāḥ || 13.13 [280.i]
sa ced bhavati traividyo mtyuhāyī nirāsravaḥ |
jñātvālpajñāta iti tam avajānanty ajānakāḥ || 13.13 [280.ii]
sa cet tv ihānnapānasya lābhī bhavati pudgalaḥ |
pāpadharmāpi ced bhavati sa teṣāṁ bhavati pūjitaḥ || 13.14 [281]
bahūn amitrāṁ labhate saṁghāṭīpravtaḥ sadā |
lābhī yo hy annapānasya vastraśayyāsanasya ca || 13.15 [282]
etad ādīnavaṁ jñātvā satkāreṣu mahābhayam |
alpajñāto hy anutsukaḥ smto bhikṣuḥ parivrajet || 13.16 [283]
nāyam anaśanena jīvate
nāhāro hdayasya śāntaye |
āhāraḥ sthitaye tu vidyate
taj jñātvā hi careta eṣaṇām || 13.17 [284]
paṅkas tv iti yo hi vindate
nityaṁ vandanamānanā kule |
sūkṣmaḥ śalyo duruddharaḥ
satkāraḥ kāpuruṣeṇa dustyajaḥ || 13.18 [285]
|| satkāravargaḥ 13 || ||